Lavt skydekke

Lavt skydekke, skodde i fjella. Litt yr av og til.

Sildefiske i 1860 - åra, utdrag frå Fiskarsoga for Sogn og Fjordane:

21. januar 1862 kom det sild under land ved Frøya. Dagane etter var det eit godt, men noko ujamt fiske i vêrhardt strok, då silda ikkje kom inna for Gåsøya. Fisket var slutt 25. januar. Ved Frøya tok dei opp kring 30 000 tønner.

21. januar 1863 kom silda under land samstundes ved Frøyvêr, Gåsøy og nord av Batalden, og alt den 24. januar var silda komt inn til Smørhamn.. Men så kom det stor storm, det vart svært garntap og berre fiska opp 7 000 tønner.

I 1864 var det uvanleg sterk kulde kring nyttår. Då folk skulle ut på fiske, låg dei indre fjordane tilfrosne, så folk derfrå måtte dra båtane sine over isen i lange stykke, før dei kom i rom sjø, somme stader mange mil. Folket samla seg i Kalvåg, Batalden og Kinn. Også det året kom silda under land ved Frøya den 21. januar, og ho kom med tyngde. Men vêret gjorde at det ikkje vart noko større fiske før 23. januar. Frå då og til den 30. januar fiska dei godt ved Gåsøy, men så kom stormen, og dermed var Frøyfisket slutt. Der var som vanligt fiska berre med garn og omlag 22 000 tønner vart fiska opp.

Vêr data siste døgn:
Nedbør: 10,4 mm.
Vindstyrke (målt i Svehaugane): Max 8,9 m/s.
Vindretning: V.
Maks/min temperatur: 6,1/2,1 grader.
Barometer trykk: 1036 hPa.